AQSh Mámleketlik xatkeri Marko Rubio Qubla Sudan húkimeti deportaciya etilgen puqaraların qabıl etpegeni ushın usı mámlekettiń pasportı iyelerine berilgen vizalardı dárhál biykar etkenin járiyaladı.

Oǵan bola, AQSh endi Qubla Sudannan kelgen puqaralardı óz aymaǵına kirgizbeydi. Rubio Qubla Sudan húkimetin puqaraların óz waqtında qabıllamawda ayıpladı.
Bul qarar Qubla Sudanda puqarlarıq urısı qayta baslanıwı múmkin ekeni haqqında qáweterler kúsheygen waqıtta shıqtı. AQSh elshixanası 8-mart kúni óz xızmetkerlerine mámleketti tárk etiwdi buyırdı.
Sonday-aq, AQSh ta waqıtsha qorǵaw (TPS) statusında bolǵan qubla sudanlılardıń keleshegi de anıq emes bolıp qalmaqta. Waqıtsha qorǵaw múddeti 3-may kúni juwmaqlanadı.
Bul qarar Dyuk universitetinde bilim alıp atırǵan hám AQShtaǵı belgili qubla sudanlılardan biri – basketbolshı Xaman Maluachtıń da jaǵdayına tásir etiwi múmkin. Universitet rásmiyleri jaǵdaydı úyrenip atırǵanın bildirgen.

Qaraqalpaqstan xabar agentligi