9-aprel-Qaraqalpaqstan Respublikası Konstituciyası qabıl etilgenliginiń 32 jıllıq sánesi Nókis kánshilik institutında da keń túrde belgilenip ótildi.

Ilajǵa oqıw ornınıń professor-oqıtıwshıları, student-jasları menen birge, deputatlar, sudyalar hám ǵalaba xabar qurallarınıń wákilleri qatnastı.
Ushırasıwdı institut direktorı A.Kaipbergenov kiris sóz benen ashıp berdi.
Ilajda Qaraqalpaqstan Respublikası Joqarǵı Keńesiniń deputatı T.Romanov, Qaraqalpaqstan Respublikası Konstituciyalıq baqlaw komitetiniń aǵzası E.Qutıbaeva hám Qaraqalpaqstan Respublikası sudınıń sudyası G.Zaripovalar qatnasıwshılardı sáne menen qızǵın qutlıqlap, Konstituciya elimizdiń táǵdirin, hár bir insannıń huqıq hám erkinliklerin belgilewde áhmiyetli hújjet ekenligine toqtap ótip, bul principler respublikamızda ámelge asırılıp atırǵan reformalar, jańalanıwlarda óz kórinisin tawıp atırǵanlıǵında kóriwimizge boladı dedi.
Ótkerilgen ilajda studentler ózlerin qızıqtırǵan bir qatar sorawlarına qánigelerden juwaplar aldı.

Qaraqalpaqstan xabar agentligi