Nókis qalasında sporttıń Regbi-7 túrinen er balalar hám qızlar arasında Qaraqalpaqstan chempionatı bolıp ótti.

CHempionatqa respublikamızdıń barlıq qala hám rayonlarınan komandalar qatnasıp, jeńimpazlıq ushın óz-ara bellesti.
Jarıs juwmaǵında, erler arasında birinshi orındı Respublikalıq sporttıń oyın túrleri hám jeńil atletika túrlerine qánigelestirilgen sport mektebi komandası iyelewge miyasar boldı.
Al, sıylı ekinshi hám úshinshi orınlar Nókis hám Qońırat rayonları komandalarına nesip etti.
Qızlar arasında ótkerilgen jarısta da, Respubliklıq sporttıń oyın túrleri hám jeńil atletika túrlerine qánigelestirilgen sport mektebiniń komandası birinshi orındı iyelep, Qaraqalpaqstan chempionı ataǵına miyasar boldı.
CHempionattıń gúmis hám qola medalların bolsa, Olimpiya hám milliy sport túrleri boyınsha Nókis joqarı sport sheberlik mektebi hám Ámiwdárya rayonı komandaları jeńip aldı.
CHempionat sońında jeńimpaz komandalar shólkemlestiriwshiler tárepinen arnawlı diplom hám medallar menen sıylıqlandı.

Adilbay Orazov,
Qaraqalpaqstan xabar agentligi sholıwshısı.