Qaraqalpaqstan Respublikası Salıq basqarması tárepinen Nókis qalasında jumıs alıp barıp atırǵan kishi hám orta biznes wákilleri menen seminar ótkerildi.

Seminarda kishi hám orta biznes wákilleriniń mámlekettiń ekonomikalıq rawajlanıwındaǵı áhmiyetli ornı, isbilermenlikti qollap-quwatlaw baǵdarında ámelge asırılıp atırǵan izbe-iz reformalar, salıq nızamshılıǵına kirgizilgen ózgerisler hám isbilermenlerdiń turaqlılıq reytingi tuwralı maǵlıwmatlar berildi.
Sonday-aq, mámleketimiz basshısı tárepinen usı jıldıń 19-mart kúni kishi hám orta biznes wákilleri menen tarawdıń ekonomikadaǵı ornın arttırıw hám rawajlanıwın jańa basqıshqa alıp shıǵıw máselelerine baǵıshlanǵan ushırasıwında belgilengen maqset hám wazıypalar da atap ótilip, pikir-usınıslar bildirildi.
Atap ótilgenindey, kishi hám orta biznes elimizde jumıs ornı, investiciya, innovaciya, báseki hám eksporttı kóbeytiwge eń úlken túrtki berip atırǵan baǵdar esaplanadı. Sonlıqtan da, bul baǵdarda jumıs alıp barıp atırǵan isbilermenlerdiń qatarın jáne de keńeytiw, jumısların rawajlandırıwda biznes wákilleriniń bar mashqala hám usınısların úyreniw jáne olarǵa sheshim tabıw úlken áhmiyetke iye.
Ashıqtan-ashıq sóylesiw tárizinde ótkerilgen ushırasıwda kishi hám orta biznes isbilermenleriniń salıq esabatların tapsırıw, jeńilliklerden paydalanıw boyınsha usınısları tıńlanıp, pikir alıstı.

Qaraqalpaqstan xabar agentligi.