Bas ministrdiń orınbasarı – Shańaraq hám hayal-qızlar komitetiniń baslıǵı Zulayho Mahkamovanıń basshılıǵında mámleketimizde hayal-qızlardıń isbilermenlik baslamaları hám jumısın jáne de qollap-quwatlaw máselelerin dodalawǵa baǵıshlanǵan májilis bolıp ótti.

Májiliste «Hamroh» isbilermen hayal-qızlardı qollap-quwatlaw baǵdarlaması sheńberinde ámelge asırılıp atırǵan jumıslar, Hayal-qızlar isbilermenlik oraylarında hayal-qızlardı oqıtıw jumıslarınıń barısı, jumıstı bólip alıp islew hám turaq jaylarda úy miyneti menen shuǵıllanatuǵın hayal-qızlardı qollap-quwatlaw máseleleri keńnen tallandı.
Ayırım kemshilikler, tómen dárejedegi islerdi jedellestiriw, hayal-qızlardı isbilermenlikke baǵdarlaw, jumısın keńeytiw tileginde bolǵan hayal-qızlarǵa járdem beriw baǵdarında máhálleler kesiminde islesiw boyınsha Bas ministrdiń orınbasarı – shańaraq hám hayal-qızlar komitetiniń baslıǵı Z.Mahkamova tárepinen tiyisli tapsırmalar berildi.

N.Usmonova, ÓzA