NASA Aydaǵı kosmoslıq missiyalardıń tiykarǵı mashqalalarınan birin sheshiwshi jańa texnologiyanı tabıslı sınaqtan ótkerdi.

Elektrodinamikalıq shań qalqanı (EDS) úskeneler boyınsha shańdı nátiyjeli tazaladı – bunı sistema jedelleskeninen aldın hám keyin alınǵan súwretler dálilledi. Test 2025-jıl 16-mart kúni juwmaqlanǵan Firefly Aerospace kompaniyasınıń Blue Ghostmissiyasi portında ótkerilgen. Sınaq nátiyjeleri jańa texnologiya kosmoslıq apparatlardıń oǵada áhmiyetli elementleri – shiyshe paneller hám ıssılıq radiatorların shańnan tazalay alatuǵının kórsetken.
Ay shańı kosmoslıq missiyalarǵa úlken qáwip tuwdıradı. Aydıń betine milliardlaǵan jıllar dawamında urılǵan mikrometeoritler hám suwdıń joqlıǵı sebepli bul shańlar páki sıyaqlı ótkir túrge engen. Kosmoslıq nurlardıń turaqlı bombardirovshısı hár bir mayda zatqa elektrostatikalıq zaryad bergen. Nátiyjede kómir sıyaqlı jabısqaq shań skafandrlar, linzalar hám basqa da úskenelerdi qaplap aladı.
Usı mashqala 1960-jıllardaǵı birinshi Ay missiyasınan berli bar. NASA tárepinen islep shıǵılǵan EDS qalqanı joqarı voltlı ózgeriwsheń signallardı usınatuǵın mayda elektrodlardan paydalanadı. Ózgeriwsheń elektr maydan dielektroforetikalıq kúshti quraydı – ol úskeneler boyınsha shańdı «quwatuǵın» tolqın bolıp tabıladı. Sistemanıń tiykarǵı abzallıǵı – háreketleniwshi bóleklerdiń joq ekeninde. Ol bárqulla yamasa waqtı-waqtı menen optika, quyash panelleri, skafandrlar, radiatorlar hám basqa da jerlerdegi shańlardı tazalawı múmkin.

ÓzA