Keshe Saudiya Arabstanında 17 jasqa shekemgi jas óspirimler arasında Aziya chempionatında topar oyınlarına start berildi.

Bul jarıstıń «A» toparında qatnasıp atırǵan Islam Ismailov basshılıǵındaǵı Ózbekstan saylandı komandası birinshi turda
Tailand saylandı komandası menen ushırasıp, olardı 4:1 esabında jeńip shıǵıwǵa miyasar boldı. Respublikamız futbol jankúyerleri ushın áhmiyetli tárepi sonda, bul oyında tiykarǵı quramda qaraqalpaqstanlı Azizbek Erimbetov hám Nurbek Sarsenbaev maydanǵa túsip, 13-minutta Nurbek komandamızdıń ekinshi golın urıwǵa miyasar boldı.
Sonday-aq, ushırasıw dawamında Sadriddin Hasanov, Asilbek Aliev, Abubakir Shukurullaevlar da óz esabına gol jazdırıp qoydı.
Endi saylandı komandamız 6-aprel kúni 2-turda Qıtay saylandı komandası menen oynaydı.

Adilbay Orazov,
Qaraqalpaqstan xabar agentligi sholıwshısı.