Búgin Braziliyanıń Fos-du-Iguasu qalasında qalasında boks boyınsha ótkerilip atırǵan jáhán kuboginde yarım final bellesiwleri bolıp ótedi.

Onda Ózbekstan saylandı komandasınıń 5 boksshisi final jollaması ushın óz qarsılasları menen bellesedi.
Atap aytqanda, Parij-2024 Olimpiadası qatnasıwshısı Twrabek Habibullaev -90 kg salmaqta hindstanlı Vishalǵa, +90 kg salmaqta Jahongir Zokirov qazaqstanlı Daniyal Saparbayǵa, -60 kg da Madiyar Daniyarov braziliyalı Luis Oliveyraǵa, -50 kg da Asilbek Jalilov hindstanlı Jadumani Mandengbamǵa, -75 kg da Fazliddin Erkinboev polshalı Mixal Yarlinskige qarsı ringke shıǵadı.
Bellesiwler Tashkent waqtı menen saat 22:00 de baslanadı. Tóreshilerden qalıslıq kútip qalamız.

Adilbay Orazov,
Qaraqalpaqstan xabar agentligi sholıwshısı