«Oraylıq Aziya – Evropa Awqamı» birinshi sammitine qatnasıw ushın elimizge kelgen Evropa keńesi Prezidenti Antoniu Koshta hám Evropa komissiyası Prezidenti Ursula fon der Lyayen xanım búgin Ózbekstan Bas ministri A.Aripov penen birge Samarqand qalasındaǵı Mırza Ulıǵbek observatoriyası hám muzeyi menen tanıstı.

Joqarı mártebeli miymanlarǵa ullı sultan hám ilimpaz Mırza Ulıǵbektiń mámleketlik ǵayratker hám astronom sıpatındaǵı jumısı haqqında maǵlıwmat berildi.
XV ásirde qurılǵan observatoriyanıń házirgi waqıtta saqlanıp qalǵan bólegi hám muzeydegi biybaha eksponatlar, bahalı maǵlıwmatlar miymanlarda úlken qızıǵıwshılıq oyattı.
Házir Evropa keńesi hám Evropa komissiyası basshıları qaladaǵı basqa da tariyxıy-mádeniy estelikler menen tanıspaqta.

ÓzA