Pekin óz aymaǵı dep esaplaytuǵın Tayvan átirapında keń kólemli áskeriy shınıǵıw baclaǵanın járiyaladı.

Xalıq azatlıq armiyası Shıǵıs aymaq jawıngerlik sárkardalıǵı baspasóz xatkeri polkovnik Shi I ámeliyat qurǵaqlıq, hawa, teńiz hám raketa kúshleriniń qatnasıwında alıp barılıp atırǵanın bildirdi.
Shınıǵıw dawamında teńiz hám hawa urısına tayarlıq kóriw, hár tárepleme ústinlikke erisiw, suw hám qurǵaqlıqtaǵı nıshanǵa soqqı beriw, sonday-aq, áhmiyetli aymaqlar, máselen teńiz jolın qamal etiw ushın qarawıllıq etiw tákirarlanadı. Tiykarǵı maqset – armiyanıń sáykes jawıngerlik imknaiyatın sınaqtan ótkeriw.
-Shınıǵıw Tayvan ǵárezsizligi tárepdarı bolǵan kúshler ushın qatań eskertiw hám kúshli toqtatıwshı qural wazıypasın atqaradı, – dedi Shi I. – Bul qıtay suvereniteti hám aymaqlıq pútinligin qorǵaw ushın nızamlı hám zárúr ilaj. Qıtay AQShtıń Tayvandı qollap-quwatlawǵa qaratılǵan qádemlerine juwap retinde, bunday ámeliyattı turaqlı túrde ámelge asıradı.
Esletip ótemiz, Pekin 2022-jılı AQSh Wákiller palatası spikeri Nensi Pelosidiń atawǵa sapar etiwinen soń iri shınıǵıwlar shólkemlestire basladı.
Shınıǵıwlar «Birgelikte qılısh» sırlı ataması astında ótkerilmekte.

Qaraqalpaqstan xabar agentligi