Baslamalı byudjettiń 2-máwsiminde jeńimpaz dep tabılǵan alıs awıldaǵı mektep zamanagóy kóriniske iye boldı.

Beruniy rayonı Altınsay awıl puqaralar jıyını aymaǵında jaylasqan 43-sanlı ulıwma orta bilim beriw mektebi 2009-jılı qurılǵan bolıp, 160 orınǵa mólsherlengen.
Házirgi waqıtta bul mektepte 274 oqıwshı 2 smenada bilim alıp kelmekte.
Mektepte 1 mlrd 360 mln sum qarjı esabınan ońlaw jumısları alıp barılǵan. Mektepke quyash paneli ornatılıp, ıssılıq sisteması qayta ońlanǵan. Klass bólmelerine jańa esik hám aynalar ornatılıp, sırtqı fasad bólegi islenip, mektep átirapı temir pánjere menen qorshalǵan, – dep maǵlıwmat beredi rayon Málimleme xızmeti bólimi baslıǵı A.Urazova.
Awıl xalqı jaratılǵan usınday múmkinshilikten oǵada quwanıshlı. Endi aymaq jasları barlıq sharayatlarǵa iye mektepte zaman talaplarına juwap beretuǵın dárejede bilim alıw imkaniyatına iye boldı.

Qaraqalpaqstan xabar agentligi