Usı kúnleri Braziliyanıń Fos-du-Iguasu qalasında boks boyınsha Jáhán kubogi jarısları bolıp ótpekte.

Onda Ózbekstan saylandı komandasınıń aǵzaları tabıslı qatnaspaqta. Atap aytqanda, jarıstıń ekinshi kúni saylandı komandamız aǵzası Asilbek Jalilov sherek finalda qazaqstanlı Nurzat Ońǵarovtı, 85 kg da Akmaljon Isroilov shveycariyalı Leonid Berishanı 5:0 esabında jeńip shıǵıwǵa miyasar boldı.
Al, saylandı komanda quramında tuńǵısh márte jáhán kubogine qatnasıp atırǵan jerlesimiz Madiyar Daniyarov 60 kg salmaqta italiyalı Mishel Baldassidi 4:1esabında jeńip, kelesi basqıshqa jollamanı qolǵa kirgizdi.
Boksshilerimizge kelesi basqıshta da áwmet yar bolıwın tilep qalamız.

Adilbay Orazov,
Qaraqalpaqstan xabar agentligi sholıwshısı.