Prezident janındaǵı Sociallıq qorǵaw milliy agentliginiń baslaması tiykarında múrájatlar kóp bolǵan máhállelerde “Insan” sociallıq xızmetler orayı tárepinen “Xalıqqa járdem – joqarı qádiriyat” atamasında kouching shólkemlestirildi.

Usınday ilaj Tórtkúl rayonı «Ózbekstan» awıl puqaralar jıyınında da ótkerildi. Bunnan gózlengen maqset – «Insan» sociallıq xızmetler orayları arqalı puqaralar tárepinen jollanıp atırǵan eń kóp múrájatlar boyınsha túsinikler beriw bolıp tabıladı.
Tórtkúl rayonında ótkerilgen ilajda sociallıq kartalar, sanatoriylerge jollama alıw, “Saqawat hám kómek” qorınıń qarjıları esabınan járdem kórsetiw, mayıplıǵı bolǵan shaxslardı reabilitaciyalawdıń texnikalıq quralları menen támiyinlew hám kúndizgi kútim xızmeti boyınsha qánigeler tárepinen keń túrde túsinikler berildi, – dep maǵlıwmat beredi Tórtkúl rayonı hákimligi Málimleme xızmeti bólimi.
Sonday-aq, ilajda oray psixologi tárepinen ruwxıy turaqlılıq boyınsha sabaqlar ótkerildi.
Puqaralar ózlerin qızıqtırǵan sorawlarǵa qánigeler tárepinen juwap aldı. Usı arqalı olar barlıq kerekli maǵlıwmatlarǵa iye boldı.

Qaraqalpaqstan xabar agentligi