ÓzLiDeP Qaraózek rayonlıq Keńesi tárepinen “Deputatlar hám isbilermenler menen pikirlesiw” forumı shѳlkemlestirilip, onda jergilikli Keńes deputatları, Ózbekstan Sawda-sanaat palatası rayonlıq bѳlimi, kommerciyalıq bank wákilleri, isbilermenler hám ǵalaba xabar qurallarınıń wákilleri qatnastı.

Ilajda kishi biznes hám jeke isbilermenliktiń rawajlanıwına tosqınlıq etip hám erkinligin sheklep atırǵan bir qatar mashqalalardı turaqlı túrde sistemalı úyrenip barıw hám olardı saplastırıw, sonday-aq, xalıqtıń bántligin hám dáramatın arttırıwdıń baslı deregi bolǵan kishi biznes hám jeke isbilermenlikti bunnan bılay da rawajlandırıw boyınsha orınlarda toplanıp qalǵan mashqalalardı úyrenip, olardı sol jerdiń ózinde sheshiw ilajların kóriw boyınsha máseleler sóz etildi.
Forum dawamında isbilermenlikti endi baslamaqshı bolǵan hayal-qızlar hám jaslar, isbilermenlik subekti wákilleri ózleriniń pikir- usınısların bildirip ótti.

Qaraqalpaqstan xabar agentligi