Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialına ǵalaba xabar qurallarınıń wákilleri ushın media-tur shólkemlestirildi.

Dáslep ǵalaba xabar quralları wákilleri ushın baspasóz konferenciyası ótkerilip, onda filial direktorı orınbasarı Zuxra Madreymova filial tárepinen ámelge asırılǵan jumıslar hám aldaǵı rejeleri haqqında maǵlıwmat berildi.
Atap ótilgenindey, Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialı tárepinen densawlıqtı saqlaw sistemasın reformalaw boyınsha qarar hám pármanlardıń orınlanıwı támiyinlenip, emlew-profilaktikalıq mákemelerdiń materiallıq-texnikalıq bazasın bekkemlew hám densawlıqtı saqlawdı rawajlandırıwdıń mámleketlik baǵdarlamasın orınlaw boyınsha belgilengen ilajlar dawam ettirilmekte.
Ilajda qatnasıwshılar orayda jaratılǵan sharayatlar menen bólimlerdegi zamanagóy texnologiyalardı kórip, olarǵa nawqaslardı emlew ushın qollanılıp atırǵan usıllar tuwralı maǵlıwmatlar berildi.
Qatnasıwshılar ózlerin qızıqtırǵan sorawlarǵa juwap aldı.

Á.Jiyemuratov,
Qaraqalpaqstan xabar agentligi