Alkogol hám temeki bazarın tártipke salıw inspekciyası tárepinen isbilermenlerge huqıqıy hám ámeliy járdem kórsetiw, tarawda jasırın ekonomikanıń aldın alıw baǵdarında úgit-násiyatlaw ilajlar hám kóshpeli ushırasıwlar shólkemlestirilmekte.

Qaraqalpaqstan Respublikası, Úrgensh hám Tashkent qalalarında jaylasqan alkogol ónimlerin islep shıǵarıwshı kárxanalarda ótkerilgen ushırasıwlarda da tiykarǵı itibar licenziya talapları menen shártlerine bola, óndiris quwatlıqlarınıń orınlanıwı, tarawda zamanagóy texnologiyalardan ónimli paydalanıwdıń nátiyjeliligine qaratıldı.
Sonıń ishinde, 2025-jıl 20-fevraldaǵı «Akogol hám temeki bazarın tártipke salıw sistemasınıń jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı nızam tuwralı tolıq túsinikler berildi.
Inspekciya málimleme xızmetiniń maǵlıwmatlarına bola, tarawda nátiyjeli qadaǵalaw sisemasın engiziw baǵdarında 3 temeki, 6 spirt, 37 alkogol islep shıǵarıwshı, 41 importyor, 207 kótere sawda hám 6457 usaqlap satıw sawdası subekti xatlawdan ótkerilip, olardıń elektron reestri qáliplestrildi. Alkogol islep shıǵarıwshı 55 kárxanada licenziyaǵa iye bolıp, 31i araq hám likyor-araq, 8 i vino hám konyak, 16 sı vinomaterial hám konyak distilliyatın islep shıǵaradı. 139 alkogol ónimleriniń kótere sawdası hám 4365 usaqlap satıw sawdası menen shuǵıllanıwshı kárxana bar.
Inspekciya xıxmetkerleri tárepinen kárxanalarda ótkerilip atırǵan úyreniwler procesinde islep shıǵarıw jumısı, texnikalıq hám texnologiyalıq talaplardıń orınlanıwı, sanitariya-gigiena qaǵıydalarına ámel etiliw jaǵdayları hám jumısshı-xızmetkerlerge jaratılǵan sharayatlar kózden ótkerildi. Islep shıǵarılǵan ónimlerdiń kólemi haqqında málimleme beretuǵın elektron esaplaǵıshlar belgilengen tártipte mórlenbekte.
Bul bolsa, isbilermenlerge huqıqıy járdem kórsetiw menen birge, jasırın ekonomikalıq jumıstıń aldın alıw, bizneste dáramatlardıń ósiwi, processlerdi optimallastırıw hám qárejetlerdi azaytıw, támiynat shınjırı boylap ónimlerdiń háreketleniwi haqqındaǵı ónimlerge kiriwge imkaniyat jaratadı.
Inspekciya tárepinen bul baǵdardaǵı úgit-násiyat ilajları dawam ettirilmekte.

Mohigul Qosimova, ÓzA