Respublikalıq Ruwxıylıq hám aǵartıwshılıq orayı Qaraqalpaqstan bólimi tárepinen «Qara úydiń eń jaqsı 3D modeli» atamasındaǵı tańlawın ótkeriw shólkemlestirilmekte. Reje talapları boyınsha tańlaw qatnasıwshılarına 3D modeldi jaratıwda ámeliy másláhátler hám túsinik beriw, jol jobalar kórsetiw maqsetinde búgin IT tarawına qızıǵıwshı jerleslerimizdiń qatnasıwında seminar bolıp ótti.

Seminarǵa Respublikalıq Ruwxıylıq hám aǵartıwshılıq orayı Qaraqalpaqstan bólimi baslıǵı T.Atamuratov, Qaraqalpaq gumanitar ilimler ilim-izertlew institutı direktorı M.Qarlıbaev, Qaraqalpaqstan Respublikası tariyxı hám mádeniyatı mámleketlik muzeyi hám Savickiy atındaǵı Qaraqalpaqstan mámleketlik kórkem óner muzeylerinen Qara úyler boyınsha ekspertler qatnastı.
Seminar dawamında tańlaw qatnasıwshıları 3D modeldi jaratıw boyınsha tańlawdıń reje talapları menen jaqınnan tanıstırıldı. Tańlaw barısında ámeliy másláhát beriwshi qánigelerdiń pikirleri tıńlandı. Sonaday-aq, «Qara úydiń eń jaqsı 3D modeli» atamasındaǵı tańlawǵa 1-aprelden baslap start berildi.

Qaraqalpaqstan xabar agentligi