Moynaq rayonı Tallı ózek MPJ aymaǵında jaylasqan 1-sanlı qánigelestirilgen mektepte Isbilermenler háreketi – Ózbekstan Liberal demokratiyalıq partiyası tárepinen “Salamatlıqqa qaray” joybarı sheńberinde hayal-qızlar arasında sport jarısı bolıp ótti.

Jarıstı ótkeriwden tiykarǵı maqset, hayal-qızlar arasında salamat turmıs tárizin úgit-násiyatlaw bolıp, onda mektep muǵallimleri sporttıń shaxmat túri boyınsha bellesti. Jarıs oǵada qızǵın hám kóterińki ruwxta ótip, hámmege báhár keypiyatın baǵıshladı.
Jarıs juwmaǵında ÓzLiDeP Moynaq rayonlıq Keńesi tárepinen jarıs qatnasıwshılarına sawǵalar hám húrmet jarlıqları tapsırıldı.

Qaraqalpaqstan xabar agentligi