Investiciyalar, sanaat hám sawda ministri Laziz Qudratov Evropa tikleniw hám rawajlanıw bankiniń mámleketimizdegi wákilxanasınıń basshısı Andi Aranitasi menen ushırastı.

Sóylesiwde ETRB qatnasıwında ámelge asırılıp atırǵan joybarlar, sonday-aq, bank jumısına baylanıslı, «Ózbekstan – 2030» strategiyası maqsetlerine sáykes bir qatar jańa baslamalar alǵa qoyıldı.
Bank wákillerine aymaqlarımızdaǵı óz biznesin rawajlanǵan mámleketler bazarında keńeytiwge tayar eń belsendi isbilermenler menen tikkeley islesiw usınıs etildi.
Óz gezeginde, Andi Aranitasi isbilermenler menen tikkeley ushırasıwlar ótkeriw jergilikli investiciya imkaniyatın anıqlaw hám turaqlı baylanıs ornatıw quralı sıpatında zárúr ekenligin atap ótti.
Sóylesiw dawamında Prezident janındaǵı Sırt el investorları keńesi bolajaq májilisiniń shólkemlestiriw tárepleri de dodalandı.
Laziz Qudratov mámleketlik uyımlar hám xalıqaralıq qarjı institutları ashıq sóylesiwin rawajlandırıwda bul keńes áhmiyetli orın iyeleytuǵının atap ótti.
ETRB tárepi bolajaq ilajda belsene qatnasıwı, turaqlı túrde mámlekettiń investiciyalıq ortalıǵın jáne de jaqsılawǵa qaratılǵan ámeliy usınıslar kirgizip barıwı tastıyıqlandı.

B.Xudoyberdiev, ÓzA