Oliy Majlis Senatına Gruziyanıń Ózbekstandaǵı Ayrıqsha hám tolıq huqıqlı elshisi David Kotariya keldi.

Xalıqaralıq qatnasıqlar, sırtqı ekonomikalıq baylanıslar, sırt el investiciyaları hám turizm máseleleri komiteti baslıǵınıń orınbasarı O.Matkarimov penen sóylesiw waqtında Ózbekstan-Gruziya arasındaǵı eki tárepleme qatnasıqlar, sonıń ishinde, sawda-ekonomikalıq, mádeniy-gumanitarlıq hám turizm tarawlarındaǵı birge islesiw máseleleri dodalandı.
Tárepler turizm tarawında birge islesiwdi bekkemlewge qızıǵıwshılıq bildirip, qánigeler tayarlaw hám birgeliktegi sayaxatlardı shólkemlestiriw boyınsha tájiriybe almasıwǵa tayar ekenligin atap ótti.
Ushırasıwda 5-9-aprel kúnleri Tashkentte Parlamentleraralıq awqamnıń 150-yubiley assambleyası ótkeriliwi haqqında pikir alısıldı. Elshi Gruziya parlamenti baslıǵı Shalva Papuashvili basshılıǵındaǵı 14 delegaciya aǵzaları usı ánjumanda qatnasatuǵının málim etti.
Sonday-aq, D.Kotariya Gruziyada Ózbekstan Prezidenti Shavkat Mirziyoevtiń mámleketti rawajlandırıw jolındaǵı háreketleri úlken húrmetke ılayıq bolıp atırǵanın atap ótti.

Norgul ABDURAIMOVA, ÓzA