Amerika Qurama Shtatlarınıń Nevada shtatı Las-Vegas qalasında usı jıldıń 23-27-mart kúnleri, AQSh Metal, minerallar hám materiallar shólkemi tárepinen «TMS Annual meeting-2025» dúnya júzilik konferenciyası shólkemlestirildi.

Onda aerokosmoslıq, mashina qurılısı hám aldıńǵı materiallar boyınsha dúnyanıń kózge kóringen shólkemleri, kárxanalar hám bilimlendiriw dárgaylarınan 4000 nan artıq ilimpazlar qatnastı.
Ánjumanda Ózbekstan jámááti de «Joqarı entropiyalı eritpelerdiń mikrostrukturası hám mexanikalıq úleslerine hár qıylı ıssılıqtaǵı qızdırıw (annealing) dawamlılıqlarınıń tásiriniń tereń tallanıwı» temasında ilimiy jumıs penen qatnastı.
Bul oylap tabıwdıń áhmiyeti sonda, onda házirgi kúnde áhmiyetli bolıp esaplanǵan jańa túrdegi zamanagóy materiallardıń joqarı temperaturaǵa bekkemligin támiyinlew jolları sáwlelendirip berilgen. Olardıń mexanikalıq ózgesheliklerin saqlaǵan halda, nano ólshemde strukturalıq ózgerisleri haqqında bildirilgen.
Izertlew zamanagóy materialtanıwshılıq baǵdarındaǵı áhmiyetli mashqalalarǵa sheshim usınıs etkeni ushın xalıqaralıq tóreshiler kollegiyası tárepinen joqarı bahalandı hám birinshi orınǵa ılayıq kórildi.

ÓzA