Ózbekstannıń San-Marinoǵa tayınlanǵan birinshi elshisi Abat Fayzullaev (rezidenciyası Rimde jaylasqan) usı mámleket basshıları – Kapitan-regentler Francheska CHiverkya hám Dalibor Rikkardiǵa isenim jarlıqların tapsırdı.

Saltanatlı máresimde San-Marino sırtqı isler ministri Luka Bekkari shıǵıp sóylep, akkreditaciyadan ótken elshilerdi qollap-quwatladı.
Ministr Luka Bekkari mámleketimiz basshısınıń baslaması menen elimizde alıp barılıp atırǵan keń kólemli ekonomikalıq hám demokratiyalıq reformalardı, Ózbekstan hám San-Marino arasında baylanıslardı rawajlandırıwǵa qaratılǵan háreketlerdi, sonıń ishinde usı elge birinshi elshiniń tayınlanıwın joqarı bahaladı. Sonday-aq, elimizdiń klimat hám qorshaǵan ortalıq penen baylanıslı mashqalalarǵa qarsı gúresiwde hám turaqlı rawajlanıw jolında alıp barılıp atırǵan dana siyasatı ayrıqsha atap ótildi.
Óz-ara sawda-ekonomikalıq birge islesiwdi rawajlandırıw, eki tárepleme shártnama-huqıqıy bazanı bekkemlew, kóp tárepleme birge islesiw baǵdarında, atap aytqanda, BMSh hám EQBSh sheńberinde talabanlar hám baslamalardı óz-ara qollap-quwatlaw sıyaqlı ámeldegi paydalı sheriklikti dawam ettiriwge isenim bildirildi.
Maǵlıwmat ornında aytıw kerek, ellerimiz arasındaǵı diplomatiyalıq qatnasıqlar 2021-jıl 3-fevralda ornatılǵan. San-Marino dúnyadaǵı eń kishi mámleketlerdiń biri bolıp, Qubla Evropa regionında jaylasqan.
Esletip ótemiz, Abat Fayzullaev 2023-jıldıń noyabr ayınan berli elimizdiń Italiyadaǵı elshisi hám Rimdegi xalıqaralıq shólkemler janındaǵı turaqlı wákili jáne 2024-jıl dekabr ayınan baslap Ózbekstannıń Kiprdegi elshisi sıpatında jumıs alıp barmaqta.
Abat Fayzullaev 2020-2023-jıllarda úlkemizdiń Avstriyadaǵı hám eki jumıstı qatar islew tiykarında Vengriyanıń elshisi sıpatında jumıs islegen. Ol bir waqıttıń ózinde Ózbekstannıń Evropadaǵı qáwipsizlik hám birge islesiw shólkemi hám Venadaǵı basqa da xalıqaralıq shólkemler janındaǵı turaqlı wákili lawazımında da jumıs alıp barǵan.

ÓzA