Bıyılǵı jıldıń 24-mart kúni Oliy Majlis Senatınıń aǵzaları «Qatar-Ózbekstan» parlamentleraralıq doslıq toparınıń wákilleri menen onlayn-ushırasıw ótkerdi.
Ushırasıw dawamında paytaxtımızda bolıp ótetuǵın Parlamentleraralıq awqamnıń 150-yubiley assambleyasına baylanıslı bir qatar máseleler dodalandı hám anıq usınıslar bildirildi.
Sóylesiwde Ózbekstan hám Qatar arasındaǵı strategiyalıq qatnasıqlar jedel rawajlanıp baratırǵanı atap ótildi, sonday-aq, parlamentleraralıq qatnasıqlardı bekkemlew, xalıqalarıq shólkemler щeńberinde birge islesiw máselelerine ayrıqsha itibar qaratıldı.
Ushırasıw juwmaǵında eki mámleket arasındaǵı qatnasıqlardı jáne de bekkemlew maqsetinde turaqlı túrde sóylesiw ótkeriwge kelisip alındı.
Qaraqalpaqstan xabar agentligi