Tórtkúl rayonı hákimliginde «Máhálle sisteması xızmetkerleri kúni» múnásibeti menen taraw pidayıların sıyılıqlaw máresimi bolıp ótti hám onda bir topar máhálle jetiligi aǵzaları múnásip xoshametlendi.

Ilajda rayon hákimi R.Shamuratov qatnastı hám jumısında úlgili xızmet etip atırǵan máhálle sisteması xızmetkerlerin usı bayram menen qızǵın qutlıqlap, olardıń keleshektegi jumıslarında tasqın tabıslar tiledi.
Tórtkúl rayonı hákimligi Málimleme xızmeti bólimi bergen maǵlıwmatqa bola, ilaj dawamında búgingi kúnde alıp barılıp atırǵan reformalardıń nátiyjesinde jemisli miynet etip atırǵan, máhálleniń abadanlıǵı, tınıshlıǵı hám máhálleni rawajlandırıwǵa qosqan úlesi ushın bir topar máhálle jetiligi aǵzaları bahalı sawǵalar hám minnetdarshılıq xatları menen sıylıqlanǵan.

Qaraqalpaqstan xabar agentligi