Sońǵı jılları elimizde járdemge mútáj, fizikalıq imkaniyatı sheklengen insanlarǵa járdem kórsetiw, onıń turmıstan razı bolıp jasawı ushın qolaylı sharayatlar jaratıp beriw boyınsha keń kólemli jumıslar ámelge asırılmaqta.

Insan qádiri hám mápleriniń ústinligine qaratılıp atırǵan joqarı itibardıń ayqın kórinisi sıpatında, Ózbekstan Respublikası Prezidenti janındaǵı «Insan» sociallıq qorǵaw agentliginiń jumısı jolǵa qoyılǵanlıǵın aytıp ótiwimizge boladı.
Usı ótken dáwir ishinde, agentliktiń qala hám rayonlardaǵı sociallıq xızmetler Orayları tárepinen kóplegen unamlı isler ámelge asırıldı. Nawrız ulıwmaxalıqlıq bayramı hám múbárek Ramazan ayı múnásibeti menen respublikamızdaǵı barlıq qalalıq hám rayonlıq «Insan» sociallıq xızmetler orayı, rayonnıń bas imamları birgelikte aymaqlardaǵı sociallıq qorǵawǵa mútáj shańaraqlarǵa bayram sawǵaları retinde azıq-awqat ónimleri hám miywe nálleri tapsırıldı.
Ilajda oraylardıń xızmetkerleri hám imamlar tárepinen bunday qayırqomlıq járdemler mámleketimizde insan qádiri ushın ámelge asırılıp atırǵan islerimizdiń nátiyjesi ekenligin atap ótip, bársheni bayram menen qutlıqladı.

Adilbay Orazov,
Qaraqalpaqstan xabar agentligi sholıwshısı.