Qıtay Xalıq Respublikasınıń Ózbekstandaǵı Ayrıqsha hám tolıq huqıqlı elshisi Yuy Czyun basshılıǵındaǵı delegaciya Oliy Majlis Senatına bardı.

Senat Baslıǵı Tanzila Norboeva menen ushırasıwda Ózbekstan hám Qıtay arasındaǵı kóp tárepleme birge islesiw baylanısları strategiyalıq dárejege kóterilgeni ayrıqsha atap ótildi.
Aymaqlararalıq baylanıslar izbe-iz keńeyip atırǵanı atap ótildi. Sonıń menen birge, eki mámlekettiń jergilikli wákillikli uyımları arasındaǵı sóylesiwdi jáne de rawajlandırıw máseleleri dodalandı.
Tárepler ekonomika, investiciya, bilimlendiriw, mádeniyat hám turizm baǵdarlarında óz-ara birge islesiwdi jáne de keńeytiwge hám parlamentleraralıq sóylesiwdi jedellestiriwge kelisip aldı.
2025-jıl 5-9-aprel kúnleri Tashkent qalasında bolıp ótetuǵın Parlamentleraralıq awqamnıń 150-yubiley assambleyasında Qıtay parlamenti delegaciyasınıń qatnasıwı boyınsha pikir alısıldı. Qıtay tárepiniń bul abıraylı ilajǵa úlken qızıǵıwshılıq bildirip atırǵanı eki mámleket arasındaǵı doslıq baylanıslarınıń jáne bir ayqın belgisi bolıp esaplanadı.
Bul ushırasıw Ózbekstan – Qıtay strategiyalıq sheriklik qatnasıqların bekkemlew hám jáne de rawajlandırıw jolında áhmiyetli qádem bolıp xızmet etedi.

N.Abduraimova, ÓzA