Oliy Majlis Nızamshılıq palatası janındaǵı Ilim, bilimlendiriw, mádeniyat, sport hám jaslar máseleleri komiteti, Nızamshılıq palatasınıń Jaslar máseleleri boyınsha komissiyası hám Nızamshılıq palatası janındaǵı Jaslar parlamentiniń birgeliktegi májilisi bolıp ótti.

Májiliste Nızamshılıq palatası janındaǵı Jaslar parlamentiniń Rejesi hám Reglamentine muwapıq III shaqırıq saylawlarına rásmiy túrde start berildi. Oliy Majlis Nızamshılıq palatasınıń 2025-jıl 26-fevraldaǵı Keńesi májilisiniń qararı menen Jaslar parlamentiniń Rejesi hám Reglamenti tastıyıqlanǵan edi.
Málim etiliwinshe saylaw 3 basqıshta shólkemlestiriledi:
1-basqısh: Siyasiy partiyalardı rayon (qala)lıq shólkemlerge arza menen múrájat etiw (onda Siz tuwılǵan jerińizden hújjetlerdi tapsırıwıńız kerek).
2-basqısh: Partiyalardıń Aymaqlıq komissiyalar sáwbetinde qatnasıw hám olardıń juwmaqları tiykarında keyingi basqıshqa jollamanı qolǵa kirgiziw.
3-basqısh: Partiyalardıń Respublikalıq komissiyası sáwbetinde qatnasıw hám múnásipler qatarında bolıw.
Maǵlıwmat ushın, ámeldegi reglamentke bola, talabanlar 18 jasqa tolǵan Ózbekstan Respublikası puqaraları bolıwı kerek. Sonday-aq, saylaw kúnine shekem mámleketimizdegi 5 siyasiy partiyalardan biriniń rásmiy aǵzası bolıwı talap etiledi.

Ziyovuddin NURIDDINOV, ÓzA