Xalıqtı janılǵı hám energiya resursları menen támiyinlew, bul baǵdarda talan-taraj etiw jaǵdaylarına jol qoymaw maqsetinde sistemalı jumıslar ámelge asırılmaqta.

Usı maqsette Janılǵı hám energiya resurslarınan paydalanıw ústinen mámleketlik qadaǵalawdı nátiyjeli shólkemlestiriw hám muwapıqlastırıw boyınsha Respublika shtabı jumıs islemekte.
Bas prokuraturada usı shtabtıń gezektegi keńeytilgen májilisi Prezident Administraciyası juwapker xızmetkerleriniń qatnasıwında ótkerildi.
Onda energetika, ishki isler hám ádillik ministrlikleri, departament, salıq komiteti, Ózenergoinspekciya, «Milliy elektr tarmaqları», «Íssılıq elektr stanciyaları», «Ózbneftgaz», «Óztransgaz», «Aymaqlıq elektr tarmaqları», «Aymaqgaztámiynat», «Ózbekgidroenergo» jámiyetleri hám olardıń tómengi struktura basshıları jáne aymaqlıq hám rayon (qala)lıq shtab aǵzaları qatnastı.
Bas prokurordıń orınbasarı Shohruh Aminovtıń basshılıǵında ótkerilgen májiliste janılǵı hám energiya resursların talan-taraj etiw jaǵdaylarınıń aldın alıw hám energoresurslardan aqılǵa uǵras paydalanıw boyınsha ámelge asırılıp atırǵan jumıslardıń jaǵdayı sın kózqarasta dodalandı.
Juwapkerlerge energiyanıń nátiyjeli qurılmalarınan keńirek paydalanılıwı támiyinlew, energiya resursları menen baylanıslı huqıqbuzarlıqlardıń aldın alıw, energiya resurslarınıń shıǵınların azaytıw jumısların máhálle kesiminde shólkemlestiriw baǵdarındaǵı jumıslardı jedellestiriw boyınsha kórsetpeler berildi.
Májilis juwmaǵında juwapker ministrlik hám uyımlar wákilleriniń hám aymaqlardaǵı shtab aǵzalarınıń túsindiriwleri hám esapları tıńlandı.

N.Abduraimova, ÓzA