«Qorshaǵan ortalıqtı qorǵaw hám «jasıl» ekonomika jılı» Mámleketlik baǵdarlamasınıń mazmun-mánisin xalıq, ásirese, jaslarımız arasında keńnen úgit-násiyatlaw maqsetinde Tórtkúl rayonı «Yangiabad» hám «Mustaqıllıq» mákan puqaralar jıyınlarında máháller turǵınları tárepinen kelip túsken usınıs hám múrájatler tiykarında máhálle belsendileri, kóshe biyleri, máhállege biriktirilgen hayal-qızlar másláhátshisiniń qatnasıwında úgit-násiyat ilajı ótkerildi, dep maǵlıwmat beredi Tórtkúl rayonı málimleme xızmeti bólimi.
Ilajda jaslar arasında hár qıylı jat ideyalarǵa, sonıń ishinde, ekstremizm, terrorizm, náshebentlik hám basqa illetlerge qarsı ideologiyalıq imminitetti jáne de kúsheytiwge qaratılǵan kompleksli ilajlardı ámelge asırıw boyınsha usınıslar berildi.
Sonday-aq, toy-merekelerdi ıqshamlastırıw, artıqsha saltanatqa shek qoyıw, puqararalar arasında rásmiy emes sháriy nekelerdiń aldın alıw, bunday jaǵdaylardıń unamsız aqıbetleri haqqında atap ótildi.
Bul ilajlardan gózlengen maqset – xalıqtıń sociallıq hám mádeniy máseleler tuwralı xabardarlıǵın arttırıw, jámiyetlik qáwipsizlikti támiyinlewden ibarat.
Puqaralar ózlerin qızıqtırǵan sorawlarına juwap aldı.

Qaraqalpaqstan xabar agentligi