Elimizge báhár máwsimi kirip keliwi menen jańalanıw hám jasarıw bayramı – Nawrız keń túrde belgilenedi.

Nókis qalasındaǵı mayıplıǵı bolǵan hayal-qızlar “Múriwbet” internat úyinde “Qádiriyatlarıń máńgi bolsın, Nawrız!” súreni astında bayram ilajı shólkemlestirildi.
Quyashlı ashıq aspan astında ótkerilgen ilaj ózgeshe dárejede bolıp ótti. Milliy qádiriyatlarımız, dástúrlerimizdi ózinde jámlegen kórkem shıǵıwlar hám qosıqlar bayram qatnasıwshılarına kóterińki keypiyat baǵıshladı. Bul jerde jasawshı hayal-qızlardıń qolınan dóretilgen milliy kiyim hám toqımalar, sonday-aq, milliy taǵamlar kórgizbesi shólkemlestirildi.
Ilajda Qaraqalpaqstan Respublikası Bajıxana basqarmasınıń basshıları hám juwapker xızmetkerleri de qatnasıp, usı jerde tárbiyalanıp atırǵanlardı báhár bayramı menen qızǵın qutlıqlap, tárbiyalanıwshılarǵa bayram sawǵaları tapsırıldı.

Qaraqalpaqstan xabar agentligi