Shınında da, insan qálbine jol miyrim-shápáátten baslanadı.

Elimizde insan qádiri, onıń huqıqları menen erkinliklerin támiyinlew, sociallıq qollap-quwatlawǵa mútáj puqaralarǵa ǵamqorlıq kórsetiw mámleketlik siyasattıń baslı baǵdarlarınıń birine aylanǵan.
Bul baǵdarda barlıq puqaralarımız sıyaqlı imkaniyatı sheklengen insanlarǵa itibar hám ámeliy járdem kórsetiw, olardı hár tárepleme qollap-quwatlawǵa ayrıqsha kewil bólinbekte.
Qaraqaqalpaqstan Respublikası Joqarǵı Keńesi deputatları tárepinen ulıwma xalıqlıq “Nawrız” bayramı hám Ramazan ayı múnásibeti menen Shomanay rayonındaǵı sociallıq qorǵawǵa mútáj 40 shańaraqqa bayram sawǵaları tapsırıldı.
Bul qayırqomlıq ilaj Ramazan ayınıń pazıyletinen nátiyjeli paydalanıw, mútájlerge járdem beriw hám olardı quwandırıw maqsetinde shólkemlestirildi.

Qaraqalpaqstan xabar agentligi.