2025-jıldıń 11-14-mart kúnleri Rossiya Federaciyası Monopoliyaǵa qarsı gúresiw federal xızmetiniń Qazan qalasındaǵı Oqıw-metodikalıq orayında “Farmacevtika bazarlarında básekilikti rawajlandırıw” atamasında dógerek sáwbeti ótkerildi.

Sáwbette Qaraqalpaqstan Respublikası Básekilikti rawajlandırıw hám tutınıwshılardıń huqıqların qorǵaw komitetiniń wákilleri qatnasıp, respublikamızda mámleketlik satıp alıwlar hám satıwlar tarawında básekilikke qarsı háreketlerdi saplastırıw boyınsha ámelge asırılıp atırǵan jumıslar haqqında maǵlıwmat berdi.
Sonıń menen birge, respublikamız wákilleri “Rawajlanıp atırǵan mámleketler ushın bioanaloglardan paydalanıw imkaniyatın támiyinlew” atamasında farmacevtika bazarlarında básekilik mashqalaların úyreniw boyınsha BRIKS jumısshı toparınıń májilisinde de qatnasıp, bul boyınsha sırt ellerdiń tájiriybelerin úyrenip qayttı.

Qaraqalpaqstan xabar agentligi