Aldawshılar tárepinen Telegramm messendjeri arqalı Oraylıq bank rámziy belgileri sáwlelendirilgen ótirik profillerden qálbeki gúwalıq hám hújjetlerdiń súwretlerin jiberiw jaǵdayların Oraylıq bank málimleme xızmeti biykarladı.

«Puqaralarımız ótirik xabarlarǵa aldanıp, aldawshılarǵa óziniń shaxsqa baylanıslı hám bank karta maǵlıwmatları hám bir mártelik tastıyıqlaw kodların (OTR) beriwi, sonday-aq, telefon qurılmasına zıyanlı qosımshalardı ornatıwı nátiyjesinde bank kartalarındaǵı qarjılarınan ayırılıp qalmaqta.
Usı múnásibet penen joqarıda kórsetilgen ótirik profillerden xabarlar kelse, sóylespew, jiberilgen gúmanlı qosımshalardı baspaw, zıyanlı (ARK) qosımshalardı telefonǵa ornatpaw hám bul paydalanıwshını «bloklap qoyıw» usınıs etiledi.
Oraylıq bank usınday xabarlar hám akkauntlarǵa Ózbekstan Respublikası Oraylıq bankiniń hesh qanday baylanısı joq ekenligin málim etedi», delinedi xabarda.

Sh.Mamaturopova,
ÓzA