Mámleketimizde puqaralıq jámiyetin rawajlandırıw, sonıń ishinde, mámleketlik emes kommerciyalıq emes shólkemlerdiń jumısın qollap-quwatlaw, olardıń nátiyjeli jumıs júrgiziwi ushın qolaylı sharayatlar jaratıw, mámleketlik hám jámiyet basqarıwdaǵı rolin arttırıw, sonday-aq, jámiyetlik qadaǵalaw hám sociallıq sheriklik institutların jetilistiriw boyınsha bir qatar jumıslar ámelge asırıldı.

Bul baǵdarda turaqlı dawam etip atırǵan reformalardı jańa basqıshqa alıp shıǵıw, sociallıq-ekonomikalıq tarawda jámiyetshilik qadaǵalawdı kúsheytiw, nızamshılıq hújjetlerinde belgilengen mámleketlik emes, kommerciyalıq emes shólkemlerdiń jumıs erkinligi kepiliklerin bekkemlew, olardıń huqıq hám nızamlı máplerin júzege shıǵarıw ushın nızamshılıǵımızdı jáne jetilistiriwdi talap etpekte.
Qaraqalpaqstan Respublikası Ádillik ministrliginde Ózbekstan mámleketlik emes kommerciyalıq emes shólkemleri milliy associaciyasi Qaraqalpaqstan Respublikası aymaqlıq bólimi tárepinen Ózbekstan Respublikasınıń ayırım nızamlarına ózgeris hám qosımshalar kirgiziw haqqındaǵı Ózbekstan Respublikasınıń nızamın keń jámiyetshilik qatnasıwında dodalawǵa baǵıshlanǵan ilaj bolıp ótti..
Ilajǵa jergilikli hákimlik wákilleri, ministrlik hám basqarmalar, mámleketlik emes kommerciyalıq emes shólkemler, ózin-ózi basqarıw uyımlarınıń wákilleri hám ǵalaba xabar quralları xızmetkerleri qatnastı.
Ótkerilgen ilajda mámleketlik emes kommerciyalıq emes shólkemler jumısınıń erkinlikliklerin bekkemlew, jámiyetlik qadaǵalawdıń tásirsheńligin arttırıwǵa qaratılǵan nızam joybarı boyınsha Qaraqalpaqstan Respublikası Ádilik ministrliginiń sektor baslıǵı A. Otarbaev, Ózbekstan mámleketlik emes kommerciyalıq emes shólkemleri milliy associaciyasi Qaraqalpaqstan Respublikası aymaqlıq bólimi qánigesi R. Qudiyarovlar tárepinen keńnen túsinikler berildi.
Ilajda qatnasıwshılar tárepinen ózlerin qızıqtırǵan máseleler boyınsha sorawlar berilip, olarǵa juwaplar aldı. Sonday-aq, ilaj juwmaǵında Associaciya aǵzalıǵına jańadan qabıllanǵan mámleketlik emes kommerciyalıq emes shólkemlerdiń wákillerine arnawlı gúwalıqlar tapsırıldı.

Adilbay Orazov,
Qaraqalpaqstan xabar agentligi sholıwshısı