Ózbekstan Respublikası Prezidenti Shavkat Mirziyoev 18-mart kúni Qazaqstan Respublikası Prezidenti Qasım-Jomart Toqaev penen telefon arqalı sóylesti.

Mámleket basshıları múbárek Ramazan ayı hám jaqınlasıp kiyatırǵan báhár áyyyamı – Nawrız múnásibeti menen bir-birin qızǵın qutlıqlap, dos Ózbekstan hám Qazaqstan xalıqlarına tınıshlıq, abadanlıq hám rawajlanıw tiledi.

Ózbekstan- Qazaqstan strategiyalıq sheriklik hám awqamlaslıq qatnasıqların bunnan bılay da rawajlandırıw hám bekkemlewdiń áhmiyetli máseleleri hár tárepleme dodalandı.

Sawdanı kóbeytiw, sanaat kooperaciyası, transport, energetika, awıl xojalıǵı hám basqa da tarawlarda, sonıń ishinde, aymaqlar dárejesinde ámeliy birge islesiw boyınsha joybarlardı alǵa qoyıw maqsetinde óz-ara muwapıqlasqan ilajlar kóriw áhmiyetli ekenligi atap ótildi.

Házirgi kúnlerde Qazaqstan qalalarında ótip atırǵan birgeliktegi mádeniy-gumanitarlıq ilajlarǵa joqarı baha berildi.

Jetekshiler bolajaq joqarı dárejedegi eki hám kóp tárepleme ilajlar rejesin, sonıń ishinde, “Oraylıq Aziya plyus” formatındaǵı sammitlerge tayarlıqtı kórip shıqtı.

ÓzA