Senattıń besinshi jalpı májlisinde «Jınayat isin júrgiziw barısında qamaqta saqlaw haqkında»ǵı Ózbekstan Respublikası nızamına qamaqqa alınǵanlardı qıynaw jaǵdaylarınıń aldın alıwǵa qaratılǵan qosımsha kirgiziw haqqında»ǵı nızam kórip shıǵıldı.

Senatorlar keyingi jıllarda elimizde puqaralardıń huqıqları menen erkinlikleriniń kepilliklerin bunnan bılay da kúsheytiw, sonıń ishinde, qıynawǵa salıw hám basqa da ayawsız adamgershilikke jat yamasa qádir-qımbattı kemsitetuǵın qatnas hám jaza túrlerin qollanıw jaǵdaylarına pútkilley jol qoymaw maqsetinde keń kólemli jumıslar ámelge asırılıp atırǵanın atap ótti.
Nızam usı reformalardıń logikalıq dawamı bolıp, onda qamaqqa alınǵanlar tergew qamaqxanalarına ornalastırılıwdan burın usı jerdiń ózinde májbúriy medicinalıq tekseriwden ótkeriliwi názerde tutılmaqta.
Nızamnıń qabıl etiliwi insannıń abırayı hám qádir-qımbatına qol qatılmaw kepillikleri bunnan bılay da bekkemleniwine, mámleketimizdiń insan huqıkların támiyinlew boyınsha xalıqaralıq jámiyetshilik aldındaǵı abırayı artıwına xızmet etedi.
Senatorlar maqullaǵan nızam puqaralardıń ádil sudlawga erisiw dárejesin bunnan bılay da arttırıw, olardıń huqıqları menen erkinlikleri, sonday-aq, nızamlı mápleri isenimli qorǵalıwın támiyinleydi.

N.Abduraimova, ÓzA