Elimizde dene tárbiyası hám sporttı ǵalaba en jaydırıw arqalı miynetke jaramlı insanlardıń qatarın bunnan bılay da keńeytiw, zıyanlı ádetler hám hár qıylı keselliklerdiń aldın alıw hám salamat turmıs tárizi kónlikpelerin qáliplestiriw áhmiyetli wazıypalardan biri esaplanadı.

Usı maqsette mámleketimiz basshısı tárepinen qol qoyılǵan «Xalıqtıń fizikalıq tayarlıq dárejesin bahalaw boyınsha sport jarısların shólkemlestiriw hám ótkeriw ilajları haqqında»ǵı qararında hár jılı elimiz máhállelerinde, oqıw orınlarında, shólkem hám kárxanalarda «Fizikalıq tayarlıq dárejesi» sport jarısların sistemalı túrde ótkeriw wazıypası belgilengen.
Sport ministrliginde bıyılǵı «Fizikalıq tayarlıq dárejesi» sport jarısların shólkemlestiriw principlerine baǵıshlanǵan prezentaciya ótkerildi.
Prezentaciyada sport jarısların qabıl etiw processlerin ashıq-aydın, úlgili shólkemlestiriw hám jeńimpazların sıylıqlaw máseleleri kórip shıǵıldı.
Dodalawlar procesinde 2025-2028-jıllar ushın Birden-bir sport klassifikaciyasın jetilistiriw, bunda, ERP birden-bir sport sistemasın tolıq túrde sport ataqlarına baylanıstırıw usınısı ortaǵa taslandı. Sonıń menen birge, keleshekte adam faktorısız sport ataqların alıw, yaǵnıy proaktiv sistemaǵa ótiw faktorları tallandı.
Sonday-aq, olimpiada hám milliy sport túrleri boyınsha mámleketlik qánigelestirilgen mektep-internatları negizinde ámeldegi qarjılandırıw tártibin saqlap qalǵan halda sport túrleri boyınsha sheberlik mekteplerin shólkemlestiriw jaǵdayı kórip shıǵıldı.
Prezentaciya dawamında bıyılǵı sport jarısların ótkeriw procesi boyınsha juwapkerlerge anıq wazıypalardı belgilengen múddetlerde ámelge asırıw boyınsha tiyisli kórsetpeler berildi.

ÓzA