Ázerbayjan hám Armeniya arasında tınıshlıq shártnaması joybarı boyınsha sóylesiw juwmaqlandı. Bul haqqında Ázerbayjan sırtqı isler ministri Jayxun Bayramov bildirdi. Atap ótiliwinshe, kelisimge qol qoyıwdıń tiykarǵı shárti Armeniya Konstituciyasına Ázerbayjan suvereniteti hám aymaqlıq pútinligine dawa burınǵısınan basqasha túrde ózgeris kirgiziw edi.

Bayanatta EQBSh Minsk toparı hám bul shólkemge baylanıslı strukturalardı rásmiy túrde tarqatıp jiberiw zárúrligi de atap ótilgen. Juwmaǵında óz-ara sóylesiwdi dawam ettiriw hám eki mámleket qatnasıqların normaǵa keltiriw procesi ústinde jumıs alıp barıw tilegi tastıyıqlandı.
Bunnan aldın Armeniya SIM Bayramovtıń shártnama tekstindegi keyingi eki bánt boyınsha kelisim haqqındaǵı sózin maqullaǵan.
Gezektegi sóylesiw juwmaqlanǵanı haqqındaǵı málimlemeni jurnalistler menen sáwbette Armeniya Bas ministri Nikol Pashinyan da tastıyıqladı.
Onıń sózlerine qaraǵanda, kelisilgen keyingi eki bánt kelisim kúshke kirgennen keyin júzege keletuǵın máselelerge tiyisli: Shegara boylap úshinshi mámlekettiń áskerin ornalastırmaw hám Xalıqaralıq uyımlardaǵı dawanı óz-ara qaytarıp alıw hám sankciyanı toqtatıw.
Armeniyaǵa bolısıw haqqında soralǵanda, húkimet baslıǵı process óz-ara kelisimge tiykarlanǵanı, kelisimde tek ǵana bir tárepke tiyisli qaǵıyda joq ekenin atap ótti. Pashinyan Ázerbayjanǵa Megri arqalı aymaqlıq koridor beriliwi múmkin ekenin de túsindirgen:
– Armeniya ázerbayjanlılardı ótkeriwge tayar. Bunıń shárti hújjettiń keyingi bántinde belgilep qoyıldı.

S.Rahimov, ÓzA