Qaraqalpaqstan Respublikası Kámbaǵallıqtı qısqartıw hám bántlik ministrligi hám Ózbekstan Sawda-sanaat palatası Qaraqalpaqstan Respublikası basqarması tárepinen birgelikte hayal-qızlar ushın bos jumıs orınlarınıń miynet yarmarkası shólkemlestirildi.

Ilajdı shólkemlestiriwden tiykarǵı maqset – xalıqtıń sociallıq qorǵawǵa mútáj qatlamın kámbaǵallıqtan shıǵarıw, elimizdegi jumıssız hayal-qızlardıń bántligin támiyinlewden ibarat.
– Men Nókis qalası turǵınıman. Kóp waqıttan berli jumıssız edim. Búgin miynet yarmarkasına qatnasıp, jasaw ornıma jaqın jerge miymanxanaǵa jumısqa qabıl etildim. Usınday miynet yarmarkasın shólkemlestirgeni, sharayatlar jaratılǵanı ushın basshılarımızdan minnetdarmız,-deydi Yu.Xojieva.
Yarmarkada respublikamızdan bir qatar mákeme hám shólkemler sonday-aq, 20 dan aslam jeke isbilermenlik subektleri hayal-qızlar ushın mólsherlengen 100 den aslam bos jumıs orınları menen qatnastı.

Qaraqalpaqstan xabar agentligi.