Oraylıq Aziya xalıqaralıq institutınıń basshısı Javlon Vahobov hám Varshavadaǵı M.Karp atındaǵı Shıǵıstanıw orayınıń direktorı Voycex Kononchuk basshılıǵındaǵı delegaciya arasında ushırasıw bolıp ótti. Sóylesiwde Polshanıń Ózbekstan Respublikasındaǵı Waqıtsha isleri wákili Marchin Vakar da qatnastı.

Sóylesiw waqtında OAXI direktorı eki institut ilimiy-izertlew jumısınıń tiykarǵı baǵdarları boyınsha kóplegen ulıwma túsinikler bar ekenligi, házirgi jaǵday birgeliktegi joybar hám baslamalar ushın keń imkaniyat ashatuǵının atap ótti.
Tárepler, «Oraylıq Aziya + Evropa Awqamı» sammitin ilimiy- ekspert jaǵınan qollap-quwatlawǵa baylanıslı áhmiyetli máseleler boyınsha da pikir alıstı. Birgelikte ilimiy jumıs, ekspert forumları hám dógerek sáwbetlerin shólkemlestiriw arqalı birge islesiwdi tereńlestiriwge ayrıqsha itibar qaratıldı.
Vaycex Kononchuk regionnıń global siyasiy-ekonomikalıq processtegi ornı artıp barıwı tiykarında Polsha analitik toparlarınıń Oraylıq Aziya mámleketlerine qızıǵıwshılıǵı artıp atırǵanın atap ótti.
Ushırasıw juwmaǵında Óz-ara birge islesiw haqqındaǵı kelisimge qol qoyıldı. Bul hújjet birge islesiwshilerdiń sóylesiwdi dawam ettiriw, sheriklikti eki hám kóp tárepleme túrde keńeytiwge tayar ekenligin tastıyıqladı.
1990-jılı shólkemlestirgen M.Karp atındaǵı Shıǵıstanıw orayı (OSW) Oraylıq hám Shıǵıs Evropa, Balkan, Kavkaz hám Oraylıq Aziyadaǵı siyasiy, ekonomikalıq, jámiyetlik jaǵdaydı úyreniwge qánigelesken. Xalıqaralıq qatnasıqlar hám regionallıq izertlewler tarawında bilim almasıw, tallaw potencialın keńeytiw maqsetinde kóplegen xalıqaralıq strukturalar, tallaw orayları hám izertlew institutları menen belsene birge islesedi.

Ǵ.Xonnazarov, ÓzA