Elimizde xalıqqa mámleketlik xızmetlerdi kórsetiwde artıqsha talaplar, tártip hám principlerdi qısqartıw hám ápiwayılastırıw, mámleketlik xızmetler sapasın jaqsılaw boyınsha sistemalı ilajlar ámelge asırılmaqta.

Isbilermenlerden kelip túsip atırǵan múrájatlardan kelip shıǵıp, olarǵa mámleketlik xizmetlerden paydalanıwda maǵlıwmatlardı alıw imkaniyatların keńeytiw zárúrligi payda bolmaqta. Ózbekstan Respublikası Prezidentiniń 2023-jıl 4-sentyabrdegi “Ózbekstan Respublikası Prezidentiniń isbilermenler menen 2023-jıldaǵı ashıq sáwbetinde belgilengen wazıypalardı ámelge asırıw ilajları haqqında»ǵı qararınıń orınlanıwın támiyinlew maqsetinde Ministrler Kabinetiniń qararı qabıl etildi. Usı qarar tiykarında Ózbekstan Respublikası húkimetiniń ayırım qararlarına ózgeris hám qosımshalar kirgizilip, Isbilermenlik subektleriniń birden-bir mámleketlik reestrin kreditorlar ushın zárúr bolatuǵın qosımsha maǵlıwmatlar menen toltırıw, reestrden kóshirme alıw ushın belgilengen jıyım muǵdarın azaytıw;
Yuridikalıq táreplerdiń wákilxana hám filialların ashıw (jabıw) haqqında mámleketlik dizimnen ótkeriwshi uyımdı xabardar etiw tártibin iske túsiriw;
Aldın berilgen reklama ornınıń pasportın jańa túrdegi reklama ornınıń pasportına almastırıw ushın arza tapsırıw múddetin Tashkent qalasında 2024-jıl 1-iyunǵa shekem, qalǵan aymaqlarda 2024-jıl 1-iyulǵa shekem sozıw belgilengen.
Sonıń menen birge, reklama boyınsha tiyisli tólem hám mámleketlik jıyımlardan keyingi bes jıl múddet ushın qarızdarlıqtı isbilermen tárepinen 9 ay múddetke teń muǵdarda bólip tólew shárti menen aldın berilgen reklama ornı tazasına almastırıladı. Isbilermenlik subektleri birden-bir mámleketlik reestri bular-isbilermenlik subektleriniń (yuridikalıq tárepler shólkemlestiriw, qayta islep shıǵıw, jumısın toxtatılǵanlıǵı, tamamlanǵanlıǵı, jeke tártiptegi isbilermen dúzilgenligi, jumısı toqtatılǵanlıǵı yaki jawılǵanlıǵı hám olarǵa tiyisli maǵlıwmatlar bazası esaplanadı (bankler hám kredit byurolarına tiyisli maǵliwmatlardan tısqarı).
Ózbekstan Respublikası Ádillik ministrligi tárepinen isbilermenlik subektleri bolǵan yuridik táreplerdiń wákilxana hám fillialların shólkemlestiriw haqqında mámleketlik dizimnen ótkeriwshi uyımdı xabardar etiw, isbilermenlik subektlerin mámleketlik dizimnen ótkeriw hám esapqa qoyıwdıń avtomatlastırılǵan sistemasın jaratıw engizildi.

D. Bekbawlieva, Nókis qalası Ádillik bólimi Mámleketlik xızmetler orayınıń bas qánigesi.
Qaraqalpaqstan xabar agentligi