Beruniy rayonında «Hayal-qızlar dápteri»niń 6-basqıshına kirgizilgen hayal-qızlar menen dógerek sáwbeti ótkerildi.
Onda Beruniy rayonı hákiminiń orınbasarı, shańaraq hám hayal-qızlar bóliminiń baslıǵı S.Kozieva qatnastı.

Ilajda Doslıq hám Oraylıq mákan puqaralar jıyınındaǵı sociallıq dápterge kirgizilgen hayal-qızlardıń huqıqıy bilimin arttırıw, olardı sociallıq jaqtan qorǵaw hám mashqalaların sistemalı sheshiw boyınsha pikir alısıldı.
Rayonda «Hayal-qızlar dápteri»ne 6 baǵdar boyınsha xatlaw tiykarında 6070 hayal-qız kirgizilgen, – dep maǵlıwmat beredi Beruniy rayonı hákimligi Málimleme xızmeti bóliminiń baslıǵı A.Urazova.
Hayal-qızlarǵa shańaraq ortalıǵın jaqsılaw, ruwxıy turaqlılıq hám mashqalalardı saplastırıw boyınsha psixolog O.Matchanova tárepinen ámeliy usınıslar berildi.
Ótkerilgen ilaj hayal-qızlardıń huqıqıy bilimin arttırıw hám olardıń jámiyetlik belsendiligin kúsheytiwge xızmet etedi.
Qatnasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi