Ámiwdárya rayonlıq prokurorı B.Masharipov hám rayon IIB baslıǵı tárepinen rayon orayında jaylasqan A.Nawayı atındaǵı máhállede jınayatshılıq hám huqıqbuzarlıqtıń aldın alıw baǵdarında «máhálle jetiligi» tárepinen ámelge asırılıp atırǵan jumıslardıń jaǵdayı úyrenildi, – dep maǵlıwmat beredi Ámiwdárya rayonı hákimligi málimleme xızmeti.

Prezidentimiz tárepinen 2025-jıl 3-yanvarda qabıl etilgen PQ-1-sanlı qarar tiykarında islep shıǵılǵan «jol kartası»nıń orınlanıwı boyınsha «máhálle jetiligi»niń jumısı tallandı. Sonday-aq, olarǵa isleniwi kerek bolǵan jumıslar boyınsha kórsetpeler berildi.
Kóp qabatlı turaq jaylardıń átiraplarında ornatılǵan kameralar hám túngi jaqtılandırıwshı shıraqlardıń da jaǵdayları úyrenildi. Máhálle turǵınları menen sáwbetlesiw ótkerildi.
Sonıń menen birge, máhálle aymaǵında jaylasqan Mańǵıt diyqan bazarınıń jumısında anıqlanǵan kemshilikler boyınsha juwapker xızmetkerlerge tapsırmalar berildi.

Qaraqalpaqstan xabar agentligi