Ózbekstan Respublikası Еkonomika hám qarjı ministrliginde Oraylıq Aziya jasalma intellekt associaciyası (AICA) basshılıǵı hám ministrlik departamentleri arasında birge islesiw máselelerine baǵıshlanǵan ushırasıw bolıp ótti.

Ushırasıwda tárepler jasalma intellekt texnologiyaların ekonomikaǵa engiziw, mámleketlik basqarıwda sanlı innovaciyalardı keńeytiw hám IT -ekosistemanı rawajlandırıw máselelerin dodaladı. Atap aytqanda, onda ekonomikalıq processlerdi optimallastırıw, qarjılay tallawlardı avtomatlastırıw hám jasalma intellekt járdeminde nátiyjeli basqarıw sistemaların islep shıǵıw baǵdarlarına ayrıqsha itibar qaratıldı.
Atap ótilgenindey, Oraylıq Aziya jasalma intellekt associaciyası (AICA) – Oraylıq Aziya regionında jasalma intellekt tarawın rawajlandırıw, qánigeler hám isbilermenlerdi qollap-quwatlaw, innovaciyalıq ekosistema jaratıw maqsetinde shólkemlestirilgen xalıqaralıq platforma bolıp esaplanadı.
Sonnan kelip shıǵıp, bul ushırasıw jasalma intellekt tarawındaǵı aldınǵı tájiriybelerdi úyreniw hám Ózbekstanda sanlı transformaciyanı jedellestiriwge qaratılǵan áhmiyetli qádemlerden biri boldı.
Sóylesiwler juwmaǵında tárepler keleshektegi birge islesiwdi rawajlandırıw hám innovaciyalıq texnologiyalardı ekonomika tarmaqlarına integraciyalaw boyınsha birge islesiwdi dawam ettiriwge kelisip aldı.

N.Ziyodullaeva, ÓzA