Shomanay rayonı Balalar sport mektebi imaratında rayonlıq Shańaraq hám hayal-qızlar bóliminiń baslaması menen jámiyette hayal-qızlardıń tutqan ornın kúsheytiw, gender teńlikti támiyinlew, olardıń reproduktivlik salamatlıǵın bekkemlew, sporttıń ǵalabalıǵına erisiw maqsetinde mákeme hám kárxanalarda jumıs islep atırǵan hayal-qızlar arasında “Hákim kubogi” ushın sporttıń voleybol túri boyınsha jarıs bolıp ótti.

Ashılıw saltanatına rayon hákiminiń orınbasarı, Shańaraq hám hayal-qızlar bóliminiń baslıǵı T.Qallıqılicheva, Ishki isler bóliminiń hayal-qızlar máseleleri boyınsha orınbasarı aǵa inspektor K.Bekmanova, rayonlıq Sport mektebi direktorı B.Qalabaev, awıl hám mákan puqaralar jıyınlarınan dúzilgen 13 komanda qatnastı.
Jarıs juwmaǵında 1-orındı Qarabaylı mákan puqaralar jıyını komandası, 2-orındı Aqjap awıl puqaralar jıyını komandası al, 3-orındı Mamıy awıl puqaralar jıyını aymaǵındaǵı 5-sanlı ulıwma orta bilim beriw mektebiniń hayal-qızlarınan dúzilgen komanda qolǵa kirgizip, jeńimpazlar rayon hákimligi tárepinen húrmet jarlıǵı hám estelik sawǵaları menen sıylıqlandı.

Qaraqalpaqstan xabar agentligi