Qurama Shtatlar jetekshisi 51-shtat arzıwında janbaqta. AQSh Prezidenti Donald Tramp Kanadadan kirip keletuǵın polat hám alyuminiyge tarif 25 procentten 50 procentke, yaǵnıy eki esege arttırılatuǵının járiyaladı.

Amerika basshısı óziniń sociallıq media platformasında búginnen kúshke kiretuǵın bul qarardı Ontario prvinciyası húkimeti tárepinen Qurama Shtatlar ushın elektr energiyası bahasınıń kóbeytiliwine juwap retinde bahalaǵan.
– Men sawda xatkerimge dúnya boyınsha eń joqarı tarif penen sıylanǵan mámleketlerden biri – Kanadadan Amerikaǵa keletuǵın barlıq polat hám alyuminiyge qosımsha 25 procent tarif qosıwdı buyırdım, – dep jazdı Tramp.
Ontario Bas ministri Dug Ford elektr energiyasın qımbatlatıw arqalı Amerikaǵa juwap qaytarǵannan soń, Tramp sawda urısın baslawı nátiyjesinde júzege kelgen tártipsizlikke AQSh xalqı hám mámlekettiń biznes basshıları qarsı shıǵıwı kerek ekenin atap ótti.

Qaraqalpaqstan xabar agentligi