Qıtaydıń CRRC Corporation Limited korporaciyası dúnyadaǵı eń jıldam poezd bolıwǵa dawa etip atırǵan CR450 prototipin sınaqtan ótkeriwdi basladı.

Pekindegi eksperimental temir jol aylanbasında jańa joqarı tezliktegi elektr poezdı birinshi ret sınaqtan ótkerildi. Bul haqqında óndiris kompaniyasınıń vice-prezidenti Van Fen «Science and Technology Daily» gazetasına málim etti.
Jańa quramlar házirgi kúnde paydalanılıp atırǵan hám 350 km/saat tezlikke erise alatuǵın CR400 Fuxing poezdlarına qaraǵanda biraz joqarı tezlik penen ajıralıp turadı. Van Fenniń sózlerine qaraǵanda, CR450 joqarı tezliktegi poezdlar teoriyası, texnologiyası, úskeneleri, standartları hám basqarıw sistemasında kompleksli jetiskenlik bolıp tabıladı.
Qıtay Transport ministrliginiń maǵlıwmatlarına qaraǵanda, CR450 modeli sınaq dawamında 450 km/saat tezlikke erisken. Poezd hár qıylı sistemalar hám texnologiyalar boyınsha hár tárepleme bahalanbaqta.
Еkspertlerdiń shamalawınsha, CR450 dáslepki jolawshılardı keminde bir jıldan keyin tasıy baslaydı.

Madinabonu Nasrieva, WzA