Pakistannıń qubla-batısındaǵı Balujistan wálayatı Kvetta qalasınan Xayber-Paxtunxva provinciyasındaǵı Peshovarǵa ketip baratırǵan poezd jawıngerler tárepinen oqqa tutıldı, dep xabar berdi CNN.

«Baluj azatlıq armiyası» dep atalǵan topar bayanat berip, hújim ushın juwapkershilikti moynına aldı hám poezddaǵı tutqınlardı, sonıń ishinde qáwipsizlik kúshlerdi girewge alǵan.
Balujstan húkimeti ayrıqsha ilajlar kórip, barlıq mákemeler jaǵdaydı sheshiw ushın háreketke keltirildi, deydi húkimet xızmetkeri Shahid Rind.
Bul aymaqtaǵı ayırıwshi toparlar kóp jıldan berli dawam ettirip kiyatırǵan qozǵalań húkimet, armiya hám regionda Qıtay máplerine qarsı qaratılǵan. Olar mineral zatlarǵa bay resurslardan úles talap etpekte.

Qaraqalpaqstan xabar agentligi