Mámleketimizde pilleshilikti jáne de rawajlandırıw, tarawda islew tileginde bolǵan xalıqtı, sonıń ishinde, hayal-qızlardıń usı tarawda bántligin támiyinlew arqalı awıllıq jerlerde xalıqtıń abadanlıǵın arttırıw maqsetinde Ózbekstan Respublikası Ministrler Kabinetiniń «Hayal-qızlardıń pilleshilik tarawındaǵı bántligin basqıshpa-basqısh támiyinlew ilajları haqqında»ǵı qararınıń orınlanıwın támiyinlew maqsetinde Ámiwdárya rayonı hákimliginde Tashkent mámleketlik agrar universitetiniń Pilleshilik hám tutshılıq kafedrasınıń professorı Ch.Bekkamovtıń qatnasıwında oqıw seminarı bolıp ótti.
Oǵan rayon hákimininń orınbasarı, Shańaraq hám hayal-qızlar bóliminiń baslıǵı G.Saburova, máhálledegi hayal-qızlar belsendileri hám pilleshilik tarawınıń juwapkerleri qatnastı,- dep maǵlıwmat beredi Ámiwdárya rayonı hákimligi málimleme xızmeti.
Seminarda tarawdı rawajlandırıwdaǵı túpkilikli reformalar, tarawdıń sırları haqqında pikir alısıldı. Sonday-aq, nawqan qurtın baǵıwda itibar qaratıw kerek bolǵan tárepleri haqqında keń túrde maǵlıwmat berildi.
Qatnasıwshılar tarawǵa baylanıslı ózlerin qızıqtırǵan sorawlarǵa juwap aldı.

Qaraqalpaqstan xabar agentligi