Úy aldı qıytaq jerlerinen paydalanıwdı shólkemlestirgen halda xalıqtıń dáramatların arttırıw hám kámbaǵal shańaraqlar menen mánzilli islesiw, abadanlastırıw hám kóklemzarlastırıw jumısların jedellestiriw arqalı 2025-jılǵı Nawrız ulıwma xalıqlıq bayramın hám múbárek Ramazan ayın kóterińki keypiyatta ótkeriw maqsetinde usı jıldıń 11- mart ayınan baslap “áhmiyetli bir aylıq” járiyalandı.
Usı bir aylıq dawamında “Abat shańaraq- abat kóshe-abat máhálle” principi sheńberinde abadanlastırıw hám kóklemzarlastırıý jumıslarınıń kólemin jáne de keńeytiw maqsetinde Nókis rayonı aymaǵında “Jasıl mákan” ulıwma milliy baǵdarlaması tiykarında shembilik ótkerilmekte. Shembilikke mákeme hám shólkemler belsene qatnaspaqta.
Bul ilajǵa Qutankól mákan puqaralar jıyınındaǵı Qaraqalpaqnama kóshesi turǵınları da belsene qatnasıp, abadanlastırıw hám kóklemzarlastırıw jumısları shólkemleskenlik penen ótkerilmekte.
-Óz úyiń abat bolsa, kóshe, máhálle abat boladı. Bizler abadanlastırıw jumısların úyimiz átirapınan baslap, kóshemizdi, máhállemizdi shıǵındılardan tazalap, daraqlardı háklep, úy qaptalındaǵı qıytaq jerlerimizdi egiwge tayarlap atırmız. Jasarıw, jańalanıw bayramı bolǵan Nawrız bayramın kóshemizde usınday kóterińki keypiyatta belgilewdi aldımızǵa maqset etkenbiz,-deydi kóshe turǵını
M.Uzaqbergenov.
Qaraqalpaqstan xabar agentligi